Administración de fincas e comunidades de propietarios en Baiona

Ocupámonos da administración de fincas e comunidades de propietarios de Baiona, Nigrán e Gondomar para que a convivencia sexa máis fácil e as contas estean sempre claras.

Encargámonos dos orzamentos e a contabilidade da comunidade, de emitir os recibos e controlar os pagamentos, de convocar as xuntas e redactar as actas, e de coordinar os provedores (limpeza, mantemento, seguros…) e as reparacións.

Tamén xestionamos as obrigas fiscais e laborais da comunidade, como as declaracións informativas ou as nóminas do persoal, e reclamamos as cotas pendentes aos propietarios morosos.